Sport24.az
Rumıniya millisinin baş məşqçisi Mirça Luçesku xəstəxanadan çıxıb. Sport24.az xəbər verir ki, bu barədə "Fanat1k" portalı məlumat yayıb.
Mənbənin sözlərinə görə, 80 yaşlı mütəxəssis bazar günü tibbi müayinədən keçib. Bundan sonra həkimlər bütün test nəticələri əla olduğundan onun xəstəxanadan çıxmasına icazə veriblər.
Luçeskunun tezliklə işə qayıdacağı və millinin martın 26-da Türkiyəyə qarşı keçiriəcəyi DÇ -2026-nın seçmə oyununa hazırlamağa davam edəcəyi gözlənilir.
Qeyd edək ki, 80 yaşlı Luçesku səhhətinin pisləşməsi və ürək problemləri səbəbindən yanvarın sonlarında təcili olaraq Rumıniyada xəstəxanaya yerləşdirilib.
