Sport24.az
Rumıniya millisinin baş məşqçisi Mirça Luçesku ürəyindəki problem səbəbindən təcili xəstəxanaya yerləşdirilib. Sport24.az xəbər verir ki, bu barədə GOLAZO.ro saytı məlumat yayıb.
Mənbənin sözlərinə görə, Luçesku yaxın günlərdə bir çox Rumıniya klubunun qış təlim-məşq toplanışı üçün yollandığı Türkiyəyə səfər etməyi planlaşdırırdı. Səfərin məqsədi mart ayında dünya çempionatının seçmə mərhələsinin pley-offunda oynayacaq milli komandaya potensial namizədləri gözdən keçirmək idi.
Qeyd edək ki, 80 yaşlı Luçesku birinci dəfə deyil ki, ürəyində problem yaşayır. O, 2009-cu ildə ürək əməliyyatı keçirib.
