Sport24.az
Bosniya və Herseqovina millisinin, "Yuventus" və "Barselona"nın keçmiş yarımmüdafiəçisi Miralem Pyaniç karyerasını başa vurduğunu açıqlayıb. Sport24.az xəbər verir ki, o, bu barədə sosial şəbəkə hesabında paylaşım edib:
"Artıq oynamayacağam. Karyeramı başa vurmuşam. İndi Dubayda yaşayıram və artıq futbolçu deyiləm, oğlumun atasıyam. O, mənim prioritetimdir".
35 yaşlı bosniyalı futbolçunun son klubu yayda ayrıldığı Moskva ÇSKA-sı olub.
Bir müddət əvvəl mətbuatda Pyaniçin futbol agenti lisenziyası almaq üçün Dubayda təhsil aldığı bildirilirdi.
Qeyd edək ki, Pyaniç "Yuventus"la dördqat İtaliya çempionu olmaqla yanaşı, "Barselona" ilə Kral Kubokunun, "Beşiktaş"la Türkiyə Super Kubokunun və ÇSKA ilə Rusiya Kubokunun qalibi olub.
