Idman.biz
Bosniya və Herseqovina millisinin sabiq yarımmüdafiəçisi Miralem Pyaniç karyerasını Qazaxıstan çempionatında davam etdirə bilər.
İdman.Biz xəbər verir ki, insayder İvan Karpovun məlumatına görə, Pyaniç "Aktobe" klubu ilə müqavilə imzalamağa yaxındır.
O, daha əvvəl bu komandaya keçən portuqaliyalı futbolçu Naniyə qoşulacaq. Bildirilir ki, hər iki futbolçu Qazaxıstan liqası tarixində ən yüksək maaş alan oyunçular olacaq.
Mənbənin iddiasına görə, "Aktobe" yalnız bununla kifayətlənmək niyyətində deyil. Klub həmçinin hazırda MLS-də "Vankuver Uaytkaps"da çıxış edən almaniyalı hücumçu Tomas Müllerlə və rusiyalı forvard Fyodor Smolovla da maraqlanır.
Qeyd olunur ki, Tomas Müller "Aktobe" ilə 2026-cı ilin yayına qədər müqavilə bağlamağa ilkin razılıq versə də, sonradan süni örtüklü meydançalarda oynamaq məcburiyyətini öyrəndikdən sonra qərarını dəyişib.
Xatırladaq ki, Miralem Pjaniç karyerası ərzində "Roma", "Yuventus", "Barselona" kimi klublarda çıxış edib və son illər futboldan kənarda qalmışdı.
