Idman.biz
Rumıniyanın əfsanə futbolçusu sayılan Miodraq Belodediç DÇ-2026 seçmə mərhələsinin pley-off yarımfinalında Türkiyə ilə qarşılaşmaya münasibət bildirib.
İdman.Biz xəbər verir ki, o, Rumıniyanın çətin, amma ideal bir yola düşdüyünü və Türkiyənin yüksək səviyyəli futbolçulara, çox güclü azarkeş dəstəyinə sahib olduğunu qeyd edib.
Belodediçin fikrincə, Türkiyə istənilən rəqib üçün çətin komandadır, lakin Rumıniyanın qalib gəlmək üçün kifayət qədər potensialı var. O, Mirça Luçeskunun türk futbolundakı böyük təcrübəsinin Rumıniya yığmasına əlavə üstünlük qazandıracağını vurğulayıb.
Keçmiş müdafiəçi xüsusilə İstanbul atmosferinin futbolçulara ciddi təsir göstərdiyini bildirsə də, qalibiyyətə inamını belə ifadə edib:
"Azarkeşləri çox səs-küylüdür, həm də həqiqətən çox. Stadiona çıxanda 80 min insanın eyni anda oxuduğunu eşitmək hər kəsi titrədə bilər. Nəfəs alma ritmi dəyişir, beynin belə bir anlıq oyundan kənara çıxır. Amma bəlkə də bizi xatırlamaları üçün onları "döyərik". Mirça da bunu bilir o da orada millinin baş məşqçisi olub, bu özü böyük üstünlükdür".
