Sport24.az
"Mən Moldova çempionatında oynadığım zaman "Şerif" daha güclü və təhlükəliydi. Hazırda Tiraspol təmsilçisi yaxşı günlərini yaşamır.Məncə, "Zirə"nin "Şerif"i keçmək üçün yetərincə şansı var. "Zirə"yə uğurlar arzu edirəm". Bu sözləri Sport24.az-a açıqlamasında Azərbaycan yığmasının sabiq üzvü Dmitri Nağıyev deyib.
Son mövsümdə Ukrayna çempionatında çıxış edən yarımmüdafiəçi gələcək planları ilə də bağlı danışıb: "Obolon"la müqaviləm başa çatıb. Hazırda azad agentəm. Azərbaycan klublarından təklif gəlsə dəyərləndirə bilərəm. Orda mənə əziz olan çox insanlar var. Yenidən Vətəndə çıxış etmək istəyərəm".
Qeyd edək ki, 28 yaşlı müdafiəçi başa çatan mövsümdə "Obolon"un heyətində ümumilikdə 23 oyuna çıxıb və 1 məhsuldar ötürmə ilə yadda qalıb.
ABDULLA İSMAYILOĞLU
