Sport24.az
"Gənc futbolçuların yetişməsi üçün yaxşı olardı ki, limit ləğv olunmasın. Bu addım yerli futbolçulara problem yaradacaq". Bu sözləri Sport24.az-a açıqlamasında Fərhad Vəliyev deyib.
Millinin sabiq qolkiperi legioner limitinin ləğviylə bağlı fikirlərini bölüşüb:
"Qərarın ölkə futboluna nə dərəcədə fayda verəcəyini gələcək göstərəcək. Bundan sonra yerli futbolçuların üzərinə daha da ağır məsuliyyət düşəcək ki, komandalarında əsas heyətə düşsünlər. Milli komandamızın bəzi futbolçuları klublarında ehtiyatda otururlar. Bu baxımdan bu çətinlik daha da artacaq. Növbəti mövsüm çempionatda 12 Komandanın iştirakı müsbətdir".
Qeyd edək ki, AFFA İcraiyyə Komitəsinin (İK) baş tutan sonuncu iclasında qəbul edilən önəmli qərarlardan biri də növbəti mövsüm üçün legioner limitinin ləğv edilməsi oldu.
