Sport24.az
"Monteneqro ilə oyunlarımız həmişə çox çətin keçir. Oyundan əvvəl komandanın heyətində itkilər var idi. Cavab qarşılaşması daha ağır olacaq. Çünki həm səfərdə oynayırıq, həm də məqsədimizə çatmaq üçün bizi ancaq qələbə qane edir". Bu sözləri Sport24.az-a açıqlamasında qadın futbolçulardan ibarət Azərbaycan millisinin futbolçusu Sevinc Cəfərzadə UEFA Millətlər Liqasının ilk oyunu çərçivəsində keçirilən Monteneqro ilə qarşılaşmanı dəyərləndirərkən deyib.
Millinin kapitanı yığmamızın seçmə mərhələdəki məqsədinin qrup birincisi olmaq olduğunu bildirib:
"Məqsədimiz qrupu ilk pillədə başa vurub B Liqasına vəsiqə qazanmaqdır. Ən pis halda isə, ikinci yeri tutub, Pley-off oynamaqdır. Məncə, buna qadirik. Baxmayaraq ki, 3-lü qrupa düşmüşük, rəqiblərimiz də zəif deyillər. Buna baxmayaraq oyunlara tam hazır olacayıq".
Qeyd edək ki, C Liqasının 4-cü qrupunda yer alan millimiz növbəti oyununu aprelin 4-də səfərdə Litva yığmasına keçirəcək.
