İdman.biz
Azərbaycan milli komandasının və "Eqnatiya"nın müdafiəçisi Zamiq Əliyev qışda karyerasında dəyişiklik edə bilər.
İdman.biz Sportal.az-a istinadən məlumat verir ki, milli komandamızın üzvünə Rusiya, Ukrayna və Rumıniya yüksək liqalarında yarışan klublardan maraq var.
Portuqaliyanın "Eştrela Amadora" klubunun transfer siyahısında yer almış Zamiqin meneceri hazırda bu məsələlərlə məşğuldur.
Maliyyə məsələlərinə görə yayda Portuqaliya klubuna keçidi baş tutmayan Əliyevin Rumıniyaya yollanmağa daha yaxın olduğu iddia edilir. 23 yaşlı futbolçu 2024-cü il iyulun 1-də "Eqnatiya"ya keçib.
O, 2027-ci il iyunun 30-na qədər Albaniya klubuna məxsusdur.
İdman.biz
