Sport24.az
Qadın futbolçulardan ibarət Azərbaycan millisi bu gün UEFA Millətlər Liqasında növbəti oyununa çıxacaq. Sport24.az xəbər verir ki, Siyasət Əsgərovun komandası C Liqasının 4-cü qrupunda Litvanın qonağı olacaq.
Vilnüsdəki "Jalgiris" stadionunda keçiriləcək qarşılaşma Bakı vaxtı ilə saat 20:00-da start götürəcək.
Qeyd edək ki, daha əvvəl Bakıda Montenqro ilə heç-heçə (0:0) edən millimiz həmin rəqiblə aprelin 8-də səfərdə qarşılaşacaq. Yığmanın yer aldığı 3 komandalı 4-cü qrupda Montenqro 4 xalla (2 oyun) lider, Azərbaycan (1 oyun) 1 xalla 2-cidir. Litvanın (1 oyun) isə xalı yoxdur və 3-cü pillədə qərarlaşıb.
