Sport24.az
19 yaşadək futbolçulardan ibarət Azərbaycan milli komandasının heyəti və yoldaşlıq oyunlarının təqvimi bəlli olub. Sport24.az xəbər verir ki, bunu AFFA-nın mətbuat xidməti açıqlayıb.
Yığmamız avqustun 31-dən sentyabrın 1-dək Bakıda, sentyabrın 2-dən 10-dək isə İspaniyanın Mursiya şəhərində təlim-məşq toplanışında olacaq. Millimiz İspaniyadakı hazırlıq zamanı 3 yoldaşlıq görüşü keçirəcək. Təlim-məşq toplanışına 24 futbolçu dəvət olunub.
Qeyd edək ki, yığmamız sentyabrın 4-də Şotlandiya, 6-da Niderland, 9-da Uelslə görüşəcək. İlk iki oyun Bakı vaxtı ilə 21:00-da, son matç 13:00-da başlayacaq.
