Sport24.az
UEFA Millətlər Liqasının qrup mərhələsinin V turu davam edir. Sport24.az xəbər verir ki, bu gün Azərbaycan millisi "doğma divarlar" arasında Estoniyanı qəbul edir.
Qəbələdəki qarşılaşma yığmamızın Millətlər Liqasındakı mövqeyi baxımından taleyüklü matçdır. C liqasının 1-ci qrupunda mübarizə aparan Fernandu Santuşun yetirmələri Slovakiya (0:2, 1:3), İsveç (1:3) və Estoniyaya (1:3) məğlubiyyətlərdən sonra sonuncu pillədə qərarlaşıb. Yığmamız 4-cü yeri tutmamaq üçün məhz Baltikyanı ölkə təmsilçisi ilə mübarizə aparır.
Millimiz sonuncu olmamaq şansını saxlamaq üçün mütləq qalib gəlməlidir. Yığmamız Estoniya ilə qarşılaşmada xal itirsə, 1-ci qrupda sonuncu yeri tutacağı indidən rəsmiləşəcək.
Qeyd edək ki, matçın start fiti saat 18:00-da sələnəcək.
Millətlər Liqası
C Liqası, V tur
18:00. Azərbaycan - Estoniya
Hakimlər: John Beaton, Daniel McFarlane, David McGeachie, Matthew MacDermid (hamısı Şotlandiya).
VAR: Andrew Dallas (Şotlandiya)
AVAR: Nicolas Walsh (Şotlandiya) Hakim-inspektor: Albano Janku (Albaniya) UEFA nümayəndəsi: Ewa Gajewska (Polşa)
