Sport24.az
Qadın futbolçulardan ibarət Azərbaycan millisi bu gün növbəti oyununu keçirəcək. Sport24.az xəbər verir ki, Siyasət Əsgərovun çalışdırdığı komanda AVRO-2025-in seçmə mərhələsində son sınağına çıxacaq.
Milli B liqasının I qrupunun lideri İsveçrənin qonağı olacaq. Sonuncu pillədə qərarlaşan yığma C liqasına düşməmək üçün mütləq qalib gəlməli və Türkiyənin büdrəməsini gözləməlidir.
Amma millimiz sonuncu olsa da, AVRO-2025-in pley-offuna yüksələ bilər. Bunun üçün bir xal və ya Maltanın öz qrupunda xal itirməsi kifayətdir.
Qeyd edək ki, millimiz dörd gün əvvəl evdə Macarıstana 0:5 hesabı ilə uduzub.
Avropa çempionatının seçmə mərhələsi
B liqası, I qrup
VI tur, 16 iyul
21:00. İsveçrə - Azərbaycan
Baş hakim: Miriama Boçkova (Slovakiya)
Olimpik De La Pontez stadionu
21:20. Macarıstan - Türkiyə
| 1 | İsveçrə | 5 | 4 | 0 | 1 | 11-3 | 12 |
| 2 | Macarıstan | 5 | 2 | 1 | 2 | 9-5 | 7 |
| 3 | Türkiyə | 5 | 2 | 0 | 3 | 4-7 | 6 |
| 4 | Azərbaycan | 5 | 1 | 1 | 3 | 2-11 | 4 |
