Report.az
İtaliya A Seriyasının XXXII turunda "Udineze" ilə oyunda huşunu itirən "Milan"ın qapıçısı Mik Menyanın son durumu açıqlanıb.
"Report"un məlumatına görə, bu barədə onun komanda yoldaşı Matteo Qabbia "Lequipe" nəşrinə açıqlama verib.
O, 29 yaşlı qolkiperin vəziyyətinin yaxşı olduğunu bildirib:
"Biz hamımız həkimdən onun necə olduğunu soruşduq. Müayinə üçün xəstəxanaya aparıldığını və durumunun yaxşı olduğunu dedi".
Qeyd edək ki, komanda yoldaşı Aleks Ximenezlə toqquşan fransalı oyunçu meydanı xərəkdə tərk edib. Qarşılaşma "Milan"ın 4:0 hesablı qələbəsi ilə başa çatıb.
