Sport24.az
"Milan" Serxio Konseysao ilə yolları ayırmaq qərarına gəlib. Portuqaliyalı mütəxəssis mövsümün sonunda "rossonerlər"in baş məşqçi postunu tərk edəcək. Sport24.az xəbər verir ki, bu barədə jurnalist Nikolo Skira X sosial şəbəkəsində məlumat yayıb.
Hətta İtaliya nəhəngi Konseysaonu erkən də qova bilər. "Milan"ın İtaliya çempionatının "Leççe" (8 mart) və "Komo" (15 mart) ilə növbəti iki oyununda uduzacağı təqdirdə, 50 yaşlı mütəxəssisin martda millinin oyunlarına görə yaranan fasilədə istefaya göndərilə biləcəyi vurğulanır.
Qeyd edək ki, Konseysao 2024-cü ilin dekabrın sonunda "rossoneri"nin baş məşqçisi təyin edilib. A Seriyasının 27 turundan sonra "Milan"ın 41 xalı var və turnir cədvəlində 9-cu pillədə qərarlaşıb.
