Sport24.az
"Milan" "Yuventus"un hücumçusu Dusan Vlahoviçi azad agent kimi transfer etməkdə maraqlıdır. Sport24.az xəbər verir ki, bu barədə insayder Nikolo Skira sosial media hesabında paylaşım edib.
Mənbənin sözlərinə görə, serbiyalı hücumçunun agenti Darko Ristiç ötən həftə "Milan"ın idman direktoru İqli Tare ilə görüşüb və gələcək planları müzakirə edib.
Vlahoviç bu mövsüm "Yuventus"un heyətində bütün turnirlərdə 17 oyun keçirib, 6 qol vurub və 2 məhsuldar ötürmə edib.
Serbiyalı futbolçunun Turin klubu ilə hazırkı müqaviləsi 2026-cı ilin yayına qədərdir. "Transfermarkt" portalı oyunçunun bazar dəyərini 35 milyon avro qiymətləndirir.
