Sport24.az
"Mançester Yunayted"in hücumçusu Rasmus Heylund karyerasını İtaliyada davam etdirə bilər. Sport24.az xəbər verir ki, bu barədə insayder Fabrisio Romano sosial şəbəkə hesabında məlumat yayıb.
Mənbənin sözlərinə görə, "Milan" 22 yaşlı danimarkalı futbolçunu 45 milyon avroya satın alma şərti ilə 6 milyon avroya icarəyə götürmək istəyir.
Qeyd edək ki, Heylund 2023-cü ilin yayından "Mançester Yunayted"də çıxış edir. O, bütün turnirlərdə 95 oyun keçirib, 26 qol vurub və 6 məhsuldar ötürmə edib.
