Sport24.az
"Yuventus"un sabiq baş məşqçisi Massimiliano Alleqri İtaliyaya qayıda bilər. Sport24.az xəbər verir ki, mütəxəssis "Milan"da baş məşqçi postuna namizədlərdəndir.
Bu barədə insayder Fabrizio Romano məlumat yayıb. "Qırmızı-qaralar"ın rəhbərliyi hazırkı çalışdırıcı Serjiu Konseysau ilə yollarını ayıracaq və onun yerinə Alleqrini gətirməyi planlaşdırır.
Alleqri daha əvvəl 2010-2014-cü illərdə "Milan"ı çalışdırıb. Komanda onun başçılığı altında İtaliya A Seriyasını və Superkubokunu qazanıb.
"Milan" A Seriyasında mövsümü 63 xalla 8-ci sırada bitirib.
