Sport24.az
"Milan" hücumçu Divok Origi ilə müqaviləyə xitam verəcək. Sport24.az xəbər verir ki, bu barədə insayder Nikolo Skida sosial şəbəkə hesabında paylaşım edib.
Belçikalı futbolçu qış "transfer pəncərəsi"ndə "qırmızı-qaralar"dan ayrılacaq. Mənbənin sözlərinə görə artıq tərəflər arasında məsələ ilə bağlı razılıq əldə olunub.
Qeyd edək ki, Origi 2022-ci ilin yayında "Liverpul"dan "Milan"a keçib. O, 2022/23 mövsümündə İtaliya klubunun heyətində 36 oyuna çıxıb və 2 qol vurub. Forvard uzun müddətdir meydana çıxmır. Onun klubla hazırkı müqaviləsi 2026-cı ilin yayında başa çatır.
