Sport24.az
"Arsenal"ın baş məşqçisi Mikel Arteta "Real" ilə oyundan sonra təşkil olunan mətbuat konfransında "Kral klubu" ilə matçdan öncə Pep Qvardiolaya zəng etdiyini etiraf edib. Sport24.az "Daily Mail"ə istinadən xəbər verir ki, "topçular"ın çalışdırıcısı hər şeyə görə, "Mançester Siti"nin baş məşqçisinə təşəkkür edib:
"Real" ilə oyundan öncə bu səhər Qvardiolaya zəng etdim. Məhz onun sayəsində indi olduğum yerdəyəm. Oyunçu və məşqçi kimi o, həmişə mənim üçün ilham mənbəyi olub. Məni ikinci məşqçi kimi komandaya dəvət edən də o, olub.
Mən onunla "Mançester Siti"də dörd gözəl il keçirmişəm. Ona minnətdar olmalıyam, həmişə də minnətdar olacam. Əks halda burada olmazdım".
Qeyd edək ki, Mikel Artetanın çalışdırdığı "Arsenal" Çempionlar Liqasının ¼ final mərhələsində "Real"ı hər iki oyunda məğlub edərək yarımfinala yüksəlib.
