Idman.biz
"Milan" və Fransa yığmasının qapıçısı Mik Meynyan A Seriyasının 24-cü turunda "rossonyerlər"in "Komо" ilə oyununu Avstraliyada keçirmək qərarını tənqid edib.
İdman.Biz "RMC Sport"a istinadən xəbər verir ki, o, həmkarı Adrien Rabyonu dəstəkləyib:
"Rabyonun fikirləri ilə tam razıyam. Hər şeyin maliyyə tərəfini düşünürük, amma İtaliya çempionatının oyununu niyə xaricdə oynamalı olduğumuzu anlamıram".
Qeyd edək ki, daha əvvəl "Milan"ın yarımmüdafiəçisi Adrien Rabyo da bu qərarı tənqid etmişdi. Görüşün 2026-cı ilin fevralında Avstraliyanın Pert şəhərində keçirilməsi planlaşdırılır. Buna səbəb "San-Siro" stadionunun qış Olimpiya Oyunlarının açılış mərasimi üçün istifadəyə verilməsidir.
