Sport24.az
"Herkules"də oynadığım zaman "Barsa" ilə matçda Lionel Messi məni "iyrənc zənci" adlandırmışdı". Sport24.az xəbər verir ki, Madrid "Real"ının keçmiş futbolçusu Royston Drenthe vaxtilə Leo tərəfindən təhqir olunduğunu deyib.
Niderland millisində bir oyun keçirən sol cinah müdafiəçisi kobudluğa baxmayaraq, Messiyə böyük hörmət bəslədiyini də etiraf edib: "Sonralar Messi mənə dedi ki, argentinalı futbolçular bir-birilərinə zarafatla "iyrənc zənci" deyirlər. Onlar üçün bu, normal hal imiş. Məsələn, Qarayı belə çağırırdılar, onun da heç vecinə deyildi. Amma başa düşməlidirlər ki, bu ifadə mənim kimisinin xoşuna gəlməyə bilər. Məşqdə dostlara demək başqa, oyunda rəqibə demək başqa.
Ondan sonra bu haqda bir daha danışmadıq, mövzu bağlandı. Ona böyük hörmətim vardı, çünki o, dünyanın ən yaxşı oyunçularından biri idi".
Drenthe həmçinin Madrid "Real"ında çıxış edərkən Messinin şəklinə darts oyunundakı kiçik oxları atdıqlarını da xatırlayıb: "Real"da olarkən, əlbəttə ki, "Barselona"ya nifrət edirdim. Biz "El-Klassiko"dan bir həftə əvvəl paltardəyişmə otağında "Barsa"lı futbolçuların, o cümlədən Messinin şəkillərini asırdıq... Və onlara darts oxları atırdıq".
Qeyd edək ki, Drenthe "Real"da 2007-2010-cu illərdə çıxış edib.
