Lent.az
2023-cü ildə Lionel Messinin "Barselona"ya qayıdışı demək olar ki, həll olunubmuş. Onun PSJ ilə müqaviləsi başa çatmaq üzrə idi və o, Avropa karyerasını hər şeyin başladığı yerdə bitirmək istəyib, Xavi isə yenidən Messi ilə işləməyi arzulayıb.
Lent.az-ın xarici mediaya istinadla xəbərinə görə, lakin indi orata çıxan hekayə bu ideal ssenarinin son anda necə pozulduğunu göstərir.
Hər şey yanvar ayında, Messi gözlənilmədən Xaviyə zəng edib qayıtmaq qərarını bildirəndə başlayıb. O, yeni rola hazır olub, yaşını nəzərə alıb və yenidən "Barselona"nın bir hissəsi kimi hiss etməyə can atıb. Xavi hər on-on beş gündən bir onunla detalları müzakirə edib və meydandakı mövqeyinə qədər hər şey barədə razılığa gəliblər.
Fevral ayında Messi prosesi sürətləndirmək üçün Xavidən atası ilə danışmasını istəyib. Laporta çox sevinib: əfsanəni geri qaytarmaq şansı 2021-ci ilin yaralarını sağaltmaq üçün mükəmməl bir yol kimi görünüb. Aprel ayında idman direktoru Matteu Alemani La Liqanın ilkin razılıq verdiyini açıqlayıb. Minimal dəyişikliklərlə iki illik müqavilə hazırlanıb. Hər şey iyun ayında elana doğru gedib.
Lakin bir neçə gün sonra Xorxe Messi geri zəng edərək deyib: "Mənə bunun mümkün olmadığını deyirlər. La Liqa son təsdiqi vermir".
Bir gecədə layihə dayanıb. Zəmanətlər yox olub. "Barsa" mövqeyini dəyişib və 2021-ci ilin təkrarlanmasından qorxaraq gözləməkdən bezən Leo sabitliyi - "İnter Mayami"dən təklifi seçib.
Beləliklə, futbol tarixinin ən çox gözlənilən geri dönüşlərindən biri baş veriv. Messi qayıtmaq istəyib. Xavi onun üçün yer hazırlayıb. Laporta barışmaq arzusunda olub. Lakin bürokratiya, maliyyə məhdudiyyətləri və klubdakı daxili qarışıqlıq demək olar ki, imzalanmaqda olan müqaviləni pozub.
