Idman.biz
La Liqada "Espanyol"a qalib gələn "Barselona" (2:0) finişə iki tur qalmış 2024/25 mövsümündə İspaniya çempionluğunu qazanıb.
İdman.biz xəbər verir ki, bu, 2021-ci ildə Lionel Messinin gedişindən sonra Kataloniya təmsilçisi üçün artıq beşinci titul olub.
Argentinalı əfsanə ilə yollarını ayırandan bəri "Barsa" onsuz da qalib gəlməyə qadir olduğunu dəfələrlə sübut edib. Son dörd mövsümdə klub iki dəfə La Liqanın (2023, 2025), bir dəfə İspaniya kubokunun (2025) və iki dəfə İspaniya Superkubokunun (2023, 2025) qalibi olub.
Qeyd edək ki, 2004-2021-ci illərdə "Barselona"nın əsas komandasında çıxış edən Lionel Messi sonra iki mövsüm PSJ-nin formasını geyinib, 2023-cü ildən isə "İnter Mayami"nin uğurları üçün çalışır.
İdman.biz
