Sport24.az
"İnter Mayami"nin hücumçusu Lionel Messi və "Əl-Nəsr"ın forvardı Kriştiano Ronaldo "France Football" jurnalının avqustun 8-də açıqladığı 2025-ci il üçün "Qızıl top" mükafatına namizədlər siyahısına daxil edilməyib. Sport24.az xəbər verir ki, Messi və Ronaldo artıq ikinci ildir ki, nüfuzlu mükafata iddialılar arasında yer almayıb.
Messi "Qızıl top"ların sayına görə rekordçudur. O, kuboku səkkiz dəfə qazanıb. Ronaldo isə 5 dəfə "Qızıl top"a layiq görülüb.
Qeyd edək ki, 2025-ci ildə mükafata iddialıların siyahısında 30 futbolçunun adı qeyd olunub. "Qızıl top" mərasimi sentyabrın 22-də Parisdə baş tutacaq. Ötən il mötəbər mükafatı "Mançester Siti"nin yarımmüdafiəçisi Rodri alıb.
