Sport24.az
"İnter Mayami"nin hücumçusu Lionel Messi "Mançester Siti"nin baş məşqçisi Pep Qvardiolanın müasir futbola necə zərər vurduğu ilə bağlı sualı cavablandırıb. Sport24.az xəbər verir ki, argentinalı ulduz bu barədə "Sportskee"daya danışıb:
"Qvardiola başqa bir dünyadır. O, heç kimin görmədiyini görür. Futbolu dəyişdi. Hamı bizi təkrarlamaq istəyirdi. Əslində, bu yolla o, istəmədən oyunu zədələdi. İnsanlar bunu necə edəcəyini anlamadan "Barselona" kimi oynamağa çalışırdı. Yarımmüdafiədə Xavi, İnyesta və Busqetsdən ibarət xüsusi komandamız var idi. Bu məşqçi və futbolçulardan ibarət mükəmməl kombinasi idi".
Qeyd edək ki, Messi 2023-cü ilin yayından "İnter Mayami"də çıxış edir. Bu müddət ərzində o, bütün turnirlərdə 49 matçda iştirak edib, 42 qol vurub və 21 məhsuldar ötürmə edib.
