Idman.biz
Argentina millisinin hücumçusu Lionel Messi yenidən komandanın düşərgəsində məşqlərə qoşulub.
İdman.Biz xəbər verir ki, bu barədə yığmanın "X" sosial şəbəkəsindəki rəsmi hesabı məlumat yayıb.
38 yaşlı kapitan oktyabr ayındakı Venesuela və Puerto-Riko ilə oyunlar üçün milliyə çağırılmışdı. Lakin Mayamidə keçirilən və Argentinanın 1:0 hesablı minimal qələbəsi ilə başa çatan ilk görüşdə iştirak etməyib. Baş məşqçi Lionel Skaloni bunun səbəbini "mövcud şəraitlə bağlı qərar" kimi izah edib.
Argentina Futbol Federasiyasının rəsmi açıqlamasında vurğulanıb ki, Messinin məşqlərə qayıdışı məşqçilər korpusuna "əsas məqamlar üzərində işləməyə" və ikinci yoldaşlıq oyununa daha keyfiyyətli hazırlaşmağa imkan verəcək.
L. Messinin 14-dən 15-nə keçən gecə keçiriləcək Puerto-Riko ilə görüşdə iştirak edəcəyi gözlənilir.
