Sport24.az
"Hyuston" Lionel Messinin matçda iştirak etməyəcəyinə görə azarkeşlərindən üzr istəyib. Sport24.az xəbər verir ki, adıçəkilən komanda MLS müntəzəm çempionatının növbəti turunda "İnter Mayami"ni qəbul edəcək.
Mətbuat daha əvvəl argentinalı hücumçunun oyunda iştirak etməyəcəyini yazmışdı. Lakin Messinin adı zədələrin siyahısında yoxdur.
"Hyuston" klubu yaydığı bəyanatda azarkeşlərə jest edəcəklərini bildirib: "Messinin Hyustona gəlmədiyi bildirilir. Təəssüf ki, rəqibimizin heyətində kimin oynayıb-oynamayacağına nəzarət edə bilmirik. Azarkeşlərə minnətdarlığımızı bildirmək istərdik. Oyuna gələnlər bu mövsüm "Hyuston Dinamo"nun növbəti matçına pulsuz bilet əldə edə bilərlər".
"Miami Herald"ın məlumatına görə, Messi zədəli deyil. Çox güman ki, baş məşqçi Xavyer Maskerano "İnter Mayami"nin sıx oyun qrafikinə görə ona istirahət verib.
