Idman.biz
"İnter Mayami"nin hücumçusu və "Barselona"nın əfsanəsi Lionel Messi Kataloniya klubunun 2026-cı ildə keçiriləcək prezident seçkilərində rol oynaya bilər.
İdman.biz xəbər verir ki, hazırkı prezident Xuan Laporta yeni müddətə namizəd olmaq niyyətindədir, lakin komandanın keçmiş ulduzu ilə münasibətlər gərgin olaraq qalır.
Məlumata görə, Messi seçkilərdə iştirak edə bilər, lakin Laportaya dəstək üçün yox. Xatırladaq ki, 2021-ci ildə Laporta argentinalını "Barselona"da saxlayacağına söz verib, lakin klubun ağır maliyyə vəziyyəti səbəbindən müqaviləni yeniləyə bilməyib və forvard "PSJ"yə keçib. Messinin ətrafı məsələni xəyanət kimi qiymətləndirib və bu, münasibətlərin soyumasına səbəb olub.
Viktor Font və Xuan Kamprubi də seçkilərə namizəd ola bilərlər. "Barselona"nın simvolu və 2022-ci ilin dünya çempionu Messinin dəstəyi səsvermənin nəticəsinə əhəmiyyətli dərəcədə təsir edə bilər.
İdman.biz
