Idman.biz
İrlandiyanın "Şemrok Rovers" klubunun baş məşqçisi Stiven Bredli ilə köməkçisi fədakarlığı ilə gündəmə gəlib.
İdman.Biz xəbər verir ki, mütəxəssis köməkçisi ilə birlikdə Dublində keçirilən marafonda iştirak edib. Xeyriyyə məqsədli qaçışdan dərhal sonra onlar komandanın "Derri Siti" ilə oyununa vaxtında çatmaq üçün 46 dəqiqəlik helikopter uçuşu həyata keçiriblər.
Məlumata görə, marafona başlamazdan öncə hər iki məşqçi əl biləklərinə leykoz xəstəliyindən əziyyət çəkən övladlarının adlarını yazıblar.
Qeyd edək ki, "Şemrok Rovers" İrlandiyanın ən titullu futbol klublarından biridir və Dublin şəhərini təmsil edir. "Derri Siti" isə Şimali İrlandiyada yerləşsə də, yarışlarda İrlandiya Premyer Liqasında çıxış edir.
