Report.az
Uruqvay millisinin sabiq hücumçusu Edinson Kavani karyerasını başa vuracağı komandanı açıqlayıb.
"Report" "A Bola" nəşrinə istinadən xəbər verir ki, 37 yaşlı forvard hazırda çıxış etdiyi Argentina təmsilçisi "Boka Xuniors"da futbolla vidalaşacağını bildirib.
2023-cü ildə bu kluba keçən oyunçunun müqaviləsinin müddəti 2026-cı ildə başa çatacaq.
Qeyd edək ki, Edinson Kavani Argentina çempionatında başa çatan mövsümdə 39 matçda iştirak edib, 20 qol və 2 məhsuldar ötürmə ilə yadda qalıb. O, 2008-2022-ci illər aralığında Uruvay yığmasının formasını geyinib və 2011-ci ildə komanda ilə Amerika Kubokunun qalibi olub.
