İdman.biz
2024-cü ildə keçirilən beynəlxalq oyunlarda ən çox qol vuran futbolçular açıqlanıb.
İdman.biz xəbər verir ki, İFFHS ilin arxada qalan 11 ayında milli komanda və qitə kuboklarında 8 və ya daha çox qol vuranların siyahısını tərtib edib.
Cədvəldə 55 oyunçu yer alıb. Planetin ən məhsuldar futbolçusu Ayub El-Kaabidir. 19 dəfə fərqlənən hücumçu "Olimpiakos"da 15, Mərakeş millisində 4 qola sevinib.
İkinci yerdə olan həmyerlisi Sofian Rahimi də eyni göstəricilərə malikdir. O, millidə 4, klubunda – "Əl Əyn"də 15 dəfə rəqib qapısına yol tapıb.
İlk "üçlüy"ü qapayan Erlinq Haland Avropanın ən yaxşısıdır. O, 17 qola sevinib. Norveç millisində 11 dəfə fərqlənən hücumçu "Mançester Siti"də 6 qol vurub.
Eyni sayda qol vuran Viktor Qyokereş millidə az fərqləndiyi üçün 4-cüdür. O, İsveç millisində 10, "Sportinq"də 7 dəfə rəqib qapılarına yol tapıb.
Qeyd edək ki, türkiyəli Kərəm Aktürkoğlu 8 qolla dünyada 50-cidir.
İdman.biz
