Idman.biz
"İlk dəqiqələrdən üstünlüyü ələ alıb iki qol vurduq".
Bunu İdman.biz-ə "Zirə"nin futbolçusu Məqsəd İsayev deyib.
O, Misli Premyer Liqasının XXXI turunda "Sumqayıt"la (3:1) matçı dəyərləndirib. 31 yaşlı müdafiəçi bildirib ki, Azərbaycan çempionatlarında keçirdiyi 250-ci oyunun qələbə ilə bitməsi sevindiricidir: "Düşünürəm ki, layiqli qələbə qazandıq. Sözün düzü, yaddaqalan oyunlarım çox olub. Hansınısa xüsusi olaraq fərqləndirmək istəməzdim. Ancaq "Sumqayıt"la ev oyununda vurduğum qol və qazandığımız qələbə mənim üçün bir başqa oldu".
İsayev aprelin 26-da Misli Premyer Liqasının XXXII turu çərçivəsində baş tutacaq "Kəpəz"lə matç öncəsi fikirlərini də açıqlayıb: "Kəpəz"lə oyun səfərdə olacaq. Bu qarşılaşmada stadion amili də haradasa rol oynayacaq. Süni meydançada oynamaq bir qədər çətindir, ancaq əlimizdən gələni edəcəyik ki, qələbə qazanaq. Çempionat başlayanda hədəf "üçlük" idi. Düşünürəm ki, öhdəsindən gəlmişik. Bununla kifayətlənmək olmaz, yayda avrokuboklar var. Orada da layiqli oynamaq lazımdır".
Yayda "Zirə" ilə ikillik müqaviləsi bitəcək futbolçunun klubla yollarını ayırıb-ayırmayacağına isə hələlik aydınlıq gəlməyib: "Klubla bu mövzuda söhbətimiz olmayıb. Hazırda bütün fikrimi qarşıdakı oyunlara yönəltmişəm".
Qeyd edək ki, İsayev Premyer Liqada keçirdiyi 250 oyunda 6 qola imza atıb. O, ölkə çempionatları tarixində 250 və daha çox oyun keçirən 76-cı futbolçudur. Məqsəd "Neftçi"də 75, "Şamaxı"da 6 (1 qol), "Sabah"da 39 (1 qol), "Səbail"də 20, "Qəbələ"də 61 (3 qol), "Zirə"də 49 (1 qol) matça çıxıb. Müdafdiəçi Premyer Liqada 2013-cü il noyabrın 30-da keçirilən "Sumqayıt" – "Neftçi" görüşündə (1:2) debüt edib.
Aytac Sahəd
İdman.biz
Sportnews.az — idman dünyasında baş verən əsas hadisələrə həsr olunmuş aparıcı idman portalıdır. Biz hər gün ən son xəbərləri, oyun nəticələrini, müsahibələri, analizləri və proqnozları təqdim edirik.
Saytımızda siz tapa bilərsiniz:
Futbol: yerli və beynəlxalq liqalar, xüsusi diqqət — "Qarabağ" FK
Tennis, şahmat, gimnastika, voleybol, basketbol
Döyüş növləri: boks, güləş, cüdo
Formula 1 və Olimpiya Oyunları
Eləcə də diqqətəlayiq digər idman növləri
Biz azərbaycanlı idmançıların uğurlarını izləyirik, mühüm turnirləri işıqlandırırıq, yığmaların hazırlığı və fərdi nailiyyətlər barədə məlumat veririk. Bütün materiallar faktlara, ekspert şərhlərinə və keyfiyyətli təqdimata əsaslanır.
Niyə məhz Sportnews.az:
Yalnız aktual və etibarlı xəbərlər
Azərbaycan və dünya idmanının tam əhatəsi
Rahat struktur, müntəzəm yenilənmələr, obyektiv baxış
Əsas idman xəbərlərindən xəbərdar olmaq üçün bizimlə qalın.
Sportnews.az — burada idman ucadan danışır.
