Sport24.az
"Premyer Liqada ilk oyunumu keçirdim. Debüt matçında meydanda olduğum dəqiqələrdə komandama maksimum faydalı olmağa çalışdım. Özümü necə göstərdiyimi isə məşqçilər korpusu qiymətləndirəcək". Bu sözləri Sport24.az-a açıqlamasında "Kəpəz"in qapıçısı Məmməd Hüseynov deyib.
"Qarabağ"ın yetirməsi olan qolkiper Şahruddin Məhəmmədəliyevdən məsləhət aldığını bildirmklə yanaşı, kumiri olduğu qokiperin də adını açıqlayıb: "Qarabağ"ın heyətində rəsm oyunlarında debüt etməsəm də, məşqlərdə maksimum çalışırdım. Ağdamlıların sıralarında olanda təcrübəli qapıçılardan, o cümlədən Şahruddin Məhəmmədəliyevdən çox şey öyrənmişəm, onun məsləhətlərini dinləmişəm. Yığmanın "1 nömrə"si məşqlərdə nəyi necə etmək, topa reaksiylar və digər bu kimi nüanslarda daim təcrübəsini bölüşüb. Ümid edirəm ki, ondan aldığım məsləhətlər və məşqlərimin nəticəsini "Kəpəz"də şans qazandıqca oyunumla da göstərəcəm. Dünyadakı bir çox qapıçıların çıxışını baxır, sevirəm. Amma kumirim Manuel Noyerdi".
Qeyd edək ki, Hüseynov mövsümlər arası "Kəpəz"lə "1+1" şərti ilə müqavilə bağlayıb. Qolkiperin son klubu "Zirə" olub.
