Sport24.az
2026-cı il dünya çempionatının seçmə mərhələsi çərçivəsində baş tutan Finlandiya ilə qarşılaşma (4-0) "Korintians"ın və Niderland yığmasının hücumçusu Memfis Depay üçün əlamətdar olub. Sport24.az xəbər verir ki, forvard 1 qol və 2 məhsuldar ötürmə etməklə adını tarixə yazdırıb.
Belə ki, 31 yaşlı futbolçu Uesli Sneyderi (33) ötərək 35 məhsuldar ötürmə ilə Niderland millisinin bütün zamanlar üçün ən yaxşı assistenti olub.
Qeyd edək ki, Depay həmçinin Robin van Persi (50), Klaas-Yan Huntelaap (42) və Patrik Klyuverti (40) geridə qoyaraq, 54 qol ilə ölkənin ən yaxşı bombardiri kimi yerini möhkəmləndirdi.
