Idman.biz
"Bornmut"la oyunun (4:2) 90+4-cü dəqiqəsində son nöqtəni qoyan Məhəmməd Salah Premyer Liqada karyerası ərzində 187-ci qolunu vurub.
İdman.biz xəbər verir ki, "Liverpul"un misirli futbolçusu İngiltərə çempionatında bu göstəriciyə görə Endi Koul ilə birlikdə 4-cü yeri bölüşür.
Hazırda üçüncü yerdə 208 qolla Ueyn Runi, ikinci yerdə isə 213 qolla Harri Keyn qərarlaşıblar. Premyer Liqa tarixinin ən məhsuldar oyunçusu isə 260 qolla Alan Şirerdir.
Salah həmçinin Premyer Liqa tarixində 1-ci tur oyunlarında 10 qol vuran ilk futbolçu olub. Bundan əlavə, o, "Liverpul"un heyətində keçirdiyi hər mövsümün açılış turunda qol və ya məhsuldar ötürmə ilə yadda qalıb. O, 9 açılış matçında ümumilikdə 10 qol vurub və 5 assist edib.
İdman.biz
