Sport24.az
"Liverpul"un ulduz futbolçusu Məhəmməd Salahın gələcəyi ilə bağlı müzakirələr davam edir. Misirli hücumçu yayda sərfəli təklif almasa, müqaviləsinin sonuna qədər "mersisayd" təmsilçisində davam etdirməyə hazırdır. Sport24.az xəbər verir ki, bu barədə "Mançester Siti"nin keçmiş maliyyə müşaviri Stefan Borson "Football Insider"ə açıqlama verib.
Onun sözlərinə görə, 33 yaşlı futbolçunun yüksək maaşını qarşılaya biləcək yeganə real bazar Səudiyyə Ərəbistanının Pro Liqasıdır.
Qeyd efək ki, Məhəmməd Salah bu mövsüm "Liverpul"un heyətində meydana çıxdığı 28 rəsmi matçda 7 qol və 8 məhsuldar ötürmə ilə yadda qalıb. Onun klubla hazırkı müqaviləsi 2027-ci ilin yayına kimi nəzərdə tutulub.
