Idman.biz
İngiltərənin "Liverpul" komandasının hücumçusu Məhəmməd Salah son oyunlarda ehtiyatda qalması, baş məşqçi Arne Slotla münasibətlərinin korlanması və klubdaxili vəziyyətlə bağlı narazılığını açıq şəkildə ifadə edib.
İdman.Biz xəbər verir ki, misirli hücumçu mediaya verdiyi açıqlamada yayda ona çox vədlər verildiyini, indi isə üç oyundur ehtiyatda qalması barədə narazılığını gizlətməyib.
Məhəmməd Salah azarkeşlərlə mümkün vida barədə də danışıb: "Brayton"la oyuna valideynlərimi də çağırmışam. Oynayıb-oynamayacağımı bilmirəm, amma oyundan zövq alacağam. "Enfild"də azarkeşlərlə sağollaşıb Afrika Millətlər Kubokuna gedəcəyəm. Oradan sonra nə olacağını isə bilmirəm".
"Liverpul"un baş məşqçisi Arne Slot isə Salahın ehtiyatda qalmasına belə münasibət bildirib:
"Hesab 2:0, sonra 3:2 idi. Həmin anda oyuna nəzarət etmək daha vacib idi. Qola ehtiyac yox idi, buna görə Salahı meydana buraxdım".
Slot, eyni zamanda, Salahın yaxın gələcəyi ilə bağlı da açıqlama verib: "Mövcud vəziyyəti qəbul etməliyik. Salah bir həftəyə Afrika Millətlər Kubokuna yollanacaq. Ondan əvvəl "İnter"lə oyunumuz var".
