Lent.az
"Liverpul"un ən çox qol vuran oyunçusu Məhəmməd Salah ətrafında mübahisələr davam edir.
Lent.az xarici KİV-ə istinadla bildirir ki, Afrika Millətlər Kubokundan sonra tezliklə qoşula biləcək misirli üçün artıq üç klub müəyyənləşib.
Artıq məlum olduğu kimi, ötən həftə sonu 33 yaşlı futbolçu "mersisaydlılar"ın son üç Premyer Liqa oyununda start heyətində yer ala bilməməsi ilə bağlı mübahisəli bir müsahibə verib.
Bundan dərhal sonra misirli cinah oyunçusu cəzalandırılıb və o, Çempionlar Liqasında "İnter"ə qarşı səfər oyununa aparılmayıb.
"The Athletic" qəzetinin məlumatına görə, Salah tezliklə İngiltərəni tərk edə və uzun müddətdir ki, onunla maraqlanan Səudiyyə Ərəbistanının "Əl-Hilal" klubuna qoşula bilər.
Məhəmmədin karyerası üçün digər mümkün yol MLS ola bilər, burada iki klub – "San-Diego" və "Çikaqo Fayr" - potensial alıcı hesab olunur.
Birinci komanda Britaniya pasportuna sahib olan misirli milyarder Məhəmməd Mansura məxsusdur. Lakin Çikaqo komandası uzun müddətdir ki, "Liverpul"un ən çox qol vuran oyunçusunu əldə etməyi planlaşdırır.
Bu arada, Salahın iştirak etmədiyi Arne Slotun komandası dünən gecə UEFA Çempionlar Liqasının altıncı turunda "İnter"i (1:0) məğlub edib.
