Idman.biz
"Liverpul"un hücumçusu Məhəmməd Salah "2025-ci ilin İdman Şəxsiyyəti" nominasiyası üzrə "Dünya İdman Ulduzu" mükafatına (World Sport Star award) altı namizəd arasında yer alıb.
İdman.Biz xəbər verir ki, bu barədə BBC Sport X sosial media platformasında məlumat yayıb. Misirli sözügedən mükafata namizəd göstərilən yeganə kişi futbolçudur.
Salahdan əlavə, mükafata beş idmançı da namizəddir. Onların arasında London "Arsenal"ının qadın futbolçusu Mariona Kaldentey, boksçu Terens Krouford, dirəklə tullanma üzrə idmançı Armand Duplantis, yüngül atlet Sidni Maklaflin-Levron və beysbolçu Syöhey Otani də var.
Daha əvvəl Salah oyun vaxtının əsassız azaldılmasından şikayət edərək "Liverpul"u tənqid etmişdi. Komandanın baş məşqçisi Arne Slot hücumçunu UEFA Çempionlar Liqasında "İnter"ə qarşı oyunda heyətdən kənarlaşdırmışdı. Bu, son günlər futbol aləmində böyük qalmaqala səbəb olub.
