Sport24.az
"Liverpul"un futbolçusu Məhəmməd Salah sona 4 tur qalmış Premyer Liqada çempion olmaları ilə bağlı fikirlərini bölüşüb. Misirli futbolçu bu barədə "Sky Sport"a açıqlama verib:
"İnanılmazdı. Azarkeşlərinizin qarşısında Premyer Liqanı qazanmaq xüsusi bir sevincdir. Siz hər oyunda onların bizə necə dəstək verdiyini görürdüz. Bu, 100 faiz beş il əvvəlkindən daha yaxşıdır. İndi bizim fərqli komandamız, fərqli məşqçimiz var. Biz 5 ildən sonra bunu yenidən edə biləcəyimizi göstərə bildik".
Qeyd edək ki, Arne Slotun yetirmələri Premyer Liqanın 34-cü turunda "Tottenhem"i darmadağın edərək (5:1) sona 4 tur qalmış çempionluğu rəsmiləşdirib.
