Sport24.az
Mehdi Hüseynzadə adına Sumqayıt şəhər stadionunun adı yaxın günlərdə dəyişdiriləcək. Sport24.az-ın əldə etdiyi məlumata görə, artıq bu yöndə ilk addımlar atılıb.
Redaksiyamıza daxil olan bilgiyə əsasən klub rəhbərliyi hazırda iki biznes qurumu ilə danışıqları davam etdirir. Hansı şirkət daha sərfəli maliyyə şərtlər irəli sürsə, arenaya həmin şirkətin adı veriləcək.
Qeyd edək ki, Sovet İttifaqı Qəhrəmanının adını daşıyan stadion ötən ilin oktyabrında əsaslı təmirdən sonra yenidən qapılarını azarkeşlərin üzünə açıb. Sumqayıt"ın eyni adlı komandası ev oyunlarını bu arenada keçirir.
