Idman.biz
"Sumqayıt"ın qapıçısı Mehdi Cənnətovun Sport24.ax-a müsahibəsi
- Komandanın yeni mövsümə hazırlığı necə keçir?
- Hazırlıq həmişəki kimi davam edir. Artıq üç həftədir təlim-məşq toplanışı davam edir. Hamı istirahətdən qayıtdığı üçün ilk toplanış həmişə çətin olur. Çempionata hazır olmaq üçün bir az güc toplamaq lazımdır.
- Yoxlama oyununda "İmişli" ilə qolsuz heç-heçə etdiniz. Bu matç haqqında nə deyə bilərsən?
- Nəticə o qədər də önəmli deyil. Oyun praktikası və tonu əldə etmək vacibdir. Biz bir neçə kombinasiya üzərində işləyirdik. Hər qarşılaşmada bunun daha yaxşı olacağını düşünürəm.
- Sumqayıt" artıq neçə həftədir yeni baş məşqçisi Saşa İliçin rəhbərliyi altında çalışır. Bu mütəxəssislə bağlı ilkin təəssüratların nələrdir?
- Onunla tanış olmaq çox maraqlı idi. Çox yaxşı futbolçu karyerası olub. Komanda öz baxışını gətirəcək. Məncə, Saşa İliç kluba və hər oyunçuya çox şey verə bilər.
- Premyer Liqada mövsümün püşkü atılıb. "Sumqayıt" ilk beş turda həm "Qarabağ" və "Neftçi" kimi iddialı komandalarla üz-üzə gələcək. Bu sizə çətinlik yaratmayacaq?
- Mən buna heç fikir belə vermədim. Onsuz da tez və ya gec hər komanda ilə oynayacağıq. Rəqibdən asılı olmayaraq, çıxıb öz futbolumuzu tətbiq etməliyik.
- Səncə, 2025/2026 mövsümündə "Sumqayıt"ın əsas hədəfi nə olmalıdır?
- Məsələ burasındadır ki, klubumuza futbolçulardan kimin və nə vaxt gələcəyi çox önəmlidir. Transferlər həyata keçiriləcək. Çünki komanda hələ tam deyil.
İdman.biz
