Idman.biz
İspaniya çempionatının "Real Madrid" - "Real Ovyedo" matçında meydan sahiblərinin azarkeşi Kilian Mbappenin ünvanına irqçi məzmunlu təhqirlər edib. Matçın 37-ci dəqiqəsində fransalının ilk qolundan dərhal sonra azarkeş meymun jestləri edərək təhqirlər səsləndirib.
İdman.biz-in Marca-ya istinadən verdiyi xəbərə görə, həmin şəxsin kimliyi sosial şəbəkələrdə yayılan videolardan və televiziya görüntülərindən məlum olub. İspaniya Milli Polisi onun həbs olunduğunu təsdiqləyib və ona qarşı nifrət tərkibli cinayətlə bağlı ittiham irəli sürüb. Həmin şəxs Ovyedo şəhərinin 1 saylı İstintaq Məhkəməsinin qarşısına çıxıb.
Qanuna görə, onu 3 ilə qədər həbs cəzası, 60-650 min avro cərimə, eləcə də stadionlara giriş qadağası gözləyir. La Liqa sıfır tolerantlıq siyasətini elan edib, lakin son hadisə İspaniya futbolunda irqçiliyə qarşı mübarizənin nə dərəcədə effektiv olduğu ilə bağlı sualları yenidən gündəmə gətirib.
İdman.biz
