Idman.biz
Belə görünür ki, Fransa millisi Azərbaycanla evdə oynayacağı matçda iki oyunçi iştirak etməyəcək.
İdman.biz bildirir ki, oktyabrın 7-də keçirilən məşqdə iştirak edən jurnalistlərin dediyinə görə, iki oyunçunun yoxluğu diqqət çəkib.
Söhbət Kilian Mbappe və İbrahima Konatedən gedir. Birinci oyunçu, "Real Madrid"in son oyunundan topuq zədəsi ilə gəlib. İkinci futbolçu "Liverpul"da sıx qrafikdən sonra yorğundur.
"Hər ikisinin "göylər"in növbəti oyununu qaçırmaq ehtimalı var. Kağız üzərində çox zəif olan komandaya qarşı oyun mütləq kapitan və vitse-kapitanının meydançada olmasını tələb etmir. Uqo Ekitike və ya Dayo Upamekano və ya hətta Uilyam Saliba kimi digər oyunçular, şübhəsiz ki, özlərini göstərmək üçün şans əldə edəcəklər. Unutmayın ki, Desire Due, Usman Dembele, Rayan Şerki, Bredli Barkola, Markus Türam və Orelyen Tçuameni də oynamayacaqlar", - "90min" saytı yazır.
"Göylər"in ehtimal olunan start heyəti isə belədir: Menyan, Kunde, Upamekano, Saliba, Ernandes, Kone, Rabyo, Olise, Koman, Ekitike, Akliuş.
Qeyd edək ki, Fransa - Azərbaycan qarşılaşması oktyabrın 10-da "Park de Prens" stadionunda keçiriləcək. Oyun Bakı vaxtı ilə saat 22:45-də başlayacaq.
