Sport24.az
"Real"ın və Fransa yığmasının hücumçusu Kilian Mbappe mövsümün ən yaxşı oyunçusuna verilən "Qızıl top" mükafatına kimin layiq olduğunu deyib. Sport24.az xəbər verir ki, ulduz futbolçu bununla bağlı TF-1-ə danışıb:
"Dembele buna layiqdir. Məndən asılı olsaydı, evinə özüm çatdırardım. Ümid edirəm ki, Hakimi də yüksək qiymətləndiriləcək. O, tarixi bir mövsüm keçirdi.
Lamin Yamal? O, çox yaxşı oyunçudur, amma onun haqqında heç nə deyə bilmərəm, çünki o, "Barselona"nın oyunçusudur (gülür)".
Qeyd edək ki, Dembele ötən mövsüm klub səviyyəsində bütün turnirlərdə 53 oyun keçirib, 35 qol vurub və 16 məhsuldar ötürmə edib. Hücumçu PSJ-nin heyətində Fransa çempionu olub, ölkə kubokunu və Superkubokunu qazanıb. O, həmçinin Çempionlar Liqasının qalibi olub.
