Sport24.az
"Real"in hücumçusu Kilian Mbappe yeni rekorda imza atıb. Sport24.az xəbər verir ki, 26 yaşlı hücumçu bunu La Liqanın "Rayo Valyekano" ilə oyununda (2:1) fərqlənməklə bacarıb.
Kilian cari mövsümdə - "Real"dakı debüt mövsümündə vurduğu qolların sayını 29-a çatdırıb.
Bununla da o, hər hansı bir klubda debüt mövsümündə 29 və daha çox qol vuran ilk fransız futbolçu adını qazanıb.
Əvvəlki rekord keçmiş hücumçu Mişel Platiniyə məxsus idi - 1982/1983 mövsümündə "Yuventus"un heyətində 28 qol.
Qeyd edək ki, Mbappe ötən yay transfer pəncərəsində "Real"a keçib və klubla 2029-cu ilə qədər müqavilə imzalayıb. Futbolçunun hazırkı müqaviləsi 2029-cu ilin yayına kimi nəzərdə tutulub.
