Idman.biz
"Çox klub mənimlə maraqlanırdı".
İdman.biz xəbər verir ki, bunu Madrid "Real"ının hücumçusu Kilian Mbappe "Monako"da çıxış etdiyi dövrdə ona elçi düşən klublardan danışarkən deyib.
Ulduz futbolçu ona Almaniya klublarından bir neçəsinin maraq göstərdiyini vurğulayıb: "Bir az gənc olduğum vaxt "Bavariya" mənə müraciət etmişdi, "Monako"nu tərk edə bilərdim. Dortmund "Borussiya"sı və "Leyptsiq" də mənimlə əlaqə saxlamışdı. Bu, yalnız yadımda qalan üç klubdur. Ola bilər, başqa komandalar da olub, amma xatırlamıram".
Qeyd edək ki, forvard 2013–2017-ci illərdə "Monako"da çıxış edib, daha sonra "PSJ"-yə transfer olunub. O, əvvəlcə icarə əsasında Paris klubuna keçib, bir il sonra isə tam müqavilə imzalayıb. 2024-cü ilin yayında isə fransalı hücumçu azad agent kimi "Real"a qoşulub.
İdman.biz
