Sport24.az
"Real"ın hücumçusu Kilyan Mbappe Çempionlar Liqasının "Mançester Siti" ilə cavab qarşılaşmasında iştirak etmək üçün komandanın heyətinə qatılıb. Sport24.az xəbər verir ki, bu barədə insayder Fabrisio Romano sosial şəbəkə hesabında paylaşım edib.
Onun sözlərinə görə, fransalı futbolçu artıq özünü daha yaxşı hiss edir və komanda ilə normal məşq edib. O, bu gün komanda ilə birlikdə Mançesterə yollanacaq.
Qeyd edək ki, Mbappe sabah Çempionlar Liqasında "Mançester Siti" ilə matçda meydana çıxa bilər. Görüş Bakı vaxtilə saat 00:00-da start götürəcək.
