Idman.biz
"Real Madrid"in hücumçusu Kilian Mbappe İspaniyanın paytaxtında yaşamağın Parislə müqayisədə üstünlüklərini izah edib.
İdman.biz-in məlumatına görə, fransız futbolçu 2017-2024-cü illərdə PSJ-də çıxış edib.
"Madridlə yaxşı uyğunlaşdım, özümü orada, Parislə müqayisədə bir qədər sakit hiss edirəm. Bu, Fransanı tənqid etmək deyil. Madriddə Parisdən fərqli atmosfer, daha az hərəkət var. Mən ruhi və fiziki sağlamlığımı qaydasına sala bildim" – Mbappe "RMC Sport"a açıqlamasında deyib.
Paris klubunun heyətində forvard bütün yarışlarda 308 matçda 256 qol vurub və 110 məhsuldar ötürmə edib. Mbappe "Real Madrid"də 69 oyun keçirib. Aktivində 58 qol və 7 məhsuldar ötürmə var.
